ardanlendeelitkufaruessvtr

قلبى مسافر

بقلم صابحه ابو زيد حزيران/يونيو 30, 2020 78

صابحه ابو زيد

انا قلبى مسافر انسانى

 انامش هقدر اكمل تانى

قول للجرح إللى اتمناني

قلبي مسافر ويا طبيبه

هو هايخده وانت تسيبو

بس عشان خاطر عشرتنا

هو مكمل حلمه معاك  

حلم وبس

كان عمره ما يقدر ينساك

كان يتمنى في يوم بيه تحس

 لكن غدرك ويا اساك

خلوني اتعلم م الدرس

مش هقدر اكمل مع كدبك

كدبك صحا حجات جوايا

نور سكه كانت ضلمه

كأنك حرف ونقصه الضمه

دمعك جوه عيونك خدعه

اكبر خدعه جوه عيونك

لما اهانتك فيا تعلم

كل عذاب الجرح بلونك

مش هأستني  عشانك لحظه

قلبي مسافر ويا طبيبه

هوا بيشعل نار الحب

وانت بكبرك تطفي لهيبه

كنت بتتكلم تتمنى

قولت ف حضنكِ شوفت الجنه

شوفت معاكي حبيبتي النور

كإنك ملكه ف وسط الحور

كل بنات الحور حواليكي

بتلف حبيبتي وبتدور

واقفين صف ف صف صفوف

بيشاهدوا جمالك بالدور

وكأن النظره في عيونك

بتداوى جمالها المبتور

صدقت كلامك والله

مع ان كلامك مجهول

حولت الجنه إللى انا فيها

للنار  وربي المعبود

انا قلبى بيبكي  من جوه

مكسور وحياتك مكسور

الحب اللي بنيته عشانك

 هديته بغدرك  بجحود

قيم الموضوع
(1 تصويت)
Designed and Powered By ENANA.COM

© 2018 جميع الحقوق محفوظه لوكاله الحدث الاخباريه