ardanlendeelitkufaruessvtr

الأرض ....

بقلم  محمد المصري حزيران/يونيو 30, 2020 90

 محمد المصري

في الأرض كان الشجر

وكان ضياء القمر

وكان حنان البشر

الأرض في دمنا زي الضنا والعرض

الأرض في قلبنا مع كل دقه ونبض

بنخاف على زرعها زي الصلا والفرض

في الأرض كان الميلاد وفي النهايه الأرض

في الأرض كان الشجر

وكان ضياء القمر

وكان حنان البشر

في الأرض كان الشجر بيضلل الأنسان

يهديه بكل الأمل والحب والأحساس

والزهر يهدي معاني الحب للفنان

والورد يحيي حنان القلب في البستان

والحب يحمي البشر من قسوة الحرمان

فيها الشجر للبشر ضله وخير وأمان

لوحه صنعها الآله بتخفف الأشجان

وتحمي كل البشر من قسوة الأحزان

لوحه صنعها الآله بقدرة الديان

أودعها كل الجمال وأبدع الألوان

سبحانه من قدرته أهدانا للإيمان

علمنا من رحمته .. أزاي نكون إخوان

علمنا من حضرته .. أزاي نعيش في حنان

ونعرف إن الحياه .. إنسان مع إنسان

وهو ده معنى كل الحب فوق الأرض

دي الأرض في دمنا زي الضنا والعرض

والأرض في قلبنا مع كل دقة ونبض

بنخاف على زرعها زي الصلا والفرض

في الأرض كان الميلاد وفي النهايه الأرض

في الأرض كان الشجر

وكان ضياء القمر

وكان حنان البشر

وكان ضياء القمر فى الأرض يهدينا

يفرش لنا بسمته وبحبه يروينا

في الضلمه يفرش رموش الحب ع المينا

ونوره بأسم الأمل فارس ليالينا

ونوره بعد الجراح بالحب يشفينا

ونوره لأجل الأمل بالضي يحمينا

دي بسمتك يا قمر تحيي الأمل فينا

وضحكتك ع الشجر تسمع غناوينا

وضيتك يا قمر تسبق خطاوينا

وضيتك يا قمر ترعى ليالينا

وترجع الحب تانى والأمل لينا

وضيتك يا قمر ترعى ليالينا

وتخلي صوت الحب يرعى أمانينا

وضيتك يا قمر ترعى ليالينا

ونخلى نور الهدى في قلوبنا وعنينا

وبنور هداك يا قمر نعرف حنان الأرض

دي الأرض في دمنا زي الضنا والعرض

والأرض في قلبنا مع كل دقة ونبض

بنخاف على زرعها زي الصلا والفرض

في الأرض كان الميلاد وفي النهايه الأرض

قيم الموضوع
(0 أصوات)
Designed and Powered By ENANA.COM

© 2018 جميع الحقوق محفوظه لوكاله الحدث الاخباريه